Авени: 23 жунио 2017, тесто ен интерлингуа: 1 жулио 2017, традуи ен елефен: 19 фебреро аста
Ун виажа а ла норде а ло куал плу тарда та евиденти Arbois, ен ла акомпаниа де ла фем ки ме ама жа десениос, тра ла колинас бела онданте де ла норде де ла Drôme е де ла суде де ла Isère. Кафе сур ун тераза ен ун вилета енкантанте, ан си ала камионес асенде ун инклина ен енграна баса кон турбо оиабле. Ла кафе сервида пар ун фем амин кон бела оиос верде.
Мусика класика онора ла динамика, донке а ла стасион France Musique, ескутанте ен ла ауто, а мулте весес он но оиа мусика, ма куаси силентиа. Клар ун компреса де ла волум пар мано ремедиа акел. Еста матина тарда е посмедиа коменсанте, ентре ла мусика он иа аве ун восе куиета е калда, оскур ан тал клар, куал иа анунсиа е иа есплика ла песос.
Суа франсес иа сона аутентика, перфета, ан си ло иа сембла а ме ке алга иа ес диференте. Ун пронунсиа куаси нонперсепабле де алга режион де Франс? Ла суде? Ла насали де ла вокалес насалида иа коменса ун фрато тро тарда. Ла /o/ де <au> иа тенде киса а [ɔ], ма акел но ес комплета нонусуал ен франсес. Ун /l/ алга грас е оскур ентре вокалес ес. Е /ɛ̃/ куаси егал а /ɑ̃/?
Ан кон еста деталиас еста франсес иа паре а ме франсес, парлада пар ун франсес. Ме иа десиде плу тарда решерка ло. Ки ес ла фем е де до ел вени?
Ревенида а пока диас а пос, кон уифи семпре диспоненте син ке та ес несеса ун пасеа, натур акел иа ес фасил а трова: ла фем ес Denisa Kerschova, наседа ен Праха, венида а Франс а ме но сабе куал еда, ма ме супоса ке ел иа ес жовен, оианте ла перфетиа е аутентикиа де суа франсес.
Ун франсес куал сегуенте меа префере сона комо ло дебе сона, син ла агиа е шилиа куал а мулте весес, ен меа ореас, марка ла франсес ‘вера’ де Франс.
Denisa Kerschova пресента када диа де лабора де дес-ун а дес-тре орас ла програм Аллегретто. Форте рекомендада.
Дирето де аутор © 2018 Р. Хармсен, тота диретос ресервада, all rights reserved.
Original in interlingua, ιν ιντερλινγυα (schema 1), ιν ιντερλινγυα (schema 2), ιν ιντερλινγωα (schema 3), tradui en elefen (lingua franca nova), традуи ен елефен (лингуа франка нова).