Le 4 e
Si alcuno non vota, apparentemente il non le importa qual politica on conduce. Mi proposition es emplear iste non-preferentia pro un stabilitate critic. Il ha duo manieras practic de facer illo, con le mesme resultato.
Un maniera es recalcular omne quantitates de sedes, per non relatar le votos per partito al total de votos valide que es date, ma al total de electores potential. Assi le non-votatores automaticamente obtene lor proprie fraction in le parlamento. Su sedes non es occupate per personas vivente, ma lor comportamento de voto previemente arrangiate vermente conta in le scrutinio.
Pro determinar si un proposition es acceptate, le question remane (in le presentia de tote le representantes) si il ha plus votos in favor que le medietate del numero total de sedes. Si il ha 150 sedes, como in le Secunde Camera de Nederland, illo son al minus 76.
Avantage: ille limite fixe de 76 es clar e simple. Disavantage: calcular le numero de sedes alteremente, probabilemente require un modification del Kieswet, le codice electoral de Nederland.
Iste methodo de calcular io ha sempre empleate in previe folios de calculo, como in septembre 2010, junio 2011 e octobre 2016.
Le mesme maniera io ha etiam usate heri, alora fundante me super le score official del electiones in Nederland del 15 de martio 2017 pro un nove Secunde Camera del parlamento.
Il se manifesta lo que io ja videva immediatemente post le exit polls, ma que in le actual formation varie vices esseva presentate como un angula totalmente nove: le unic possibilitate es VVD-CDA-D66-GL, proque VVD-CDA-D66-CU es tro fragile e VVD-CDA-D66-PvdA non es real viste que le partito PvdA ha severmente perdite.
Con mi idea de anque contar le non-votatores totevia, etiam le combination del partitos VVD+CDA+D66 deveni ben possibile (86 sedes), e (in mi opinion regrettabilemente) tamben VVD+PVV+CDA (86) e VVD+PVV+CDA+50Plus (89).
Un altere maniera es calcular le repartition/distribution del sedes como traditionalmente consuete. Totevia pro qui non ha votate, un fraction virtual es addite. Conceptualmente le numero del sedes in le Secunde Camera del parlamento deveni plus grande, ma ancora 150 sedes es occupate per personas vive.
Ubi avante 76 sedes ha sufficite pro obtener un majoritate, ora illo depende del participation electoral. Si le assistentia per exemplo es 75%, 25% del electores potential non ha votate. Ce es un tertie de illes qui ha votate. Le votatores corresponde a 150 sedes, ergo le non-votatores equivale a 50 sedes.
Un participation de 77,7% resulta in 43 sedes virtual, quamquam s 81,56% (basate sur le conto de votos valide e de personas con le derecto de votar, como lo ha fixate le Consilio Electoral) mena a 34 sedes: plus que habe le partito le plus grande: 33.
Mais le effecto pro coalitiones possibile es le mesme que con le prime maniera. E illo es necesse, ergo assi nos habe un puncto de controlo.
Un avantage de iste secunde approche es que il es verosimilante que le leges constitutional e electoral pote remaner incambiate. Un modification del regulamento de ordine interne del Secunde Camera forsan sufficera.
Addition le 13 de januario 2024: Vide anque Voluntary stabilisation (Stabilisation voluntari) pro un tertie maniera.
Derecto de autor © 2017, R. Harmsen, tote derectos de copia reservate, all rights reserved.