Le 1 usque le , traducite ex le nederlandese
Isto es un epitome de alcun altere articulos, multes in nederlandese, un originalmente in interlingua.
Nederland ha un systema democratic pluripartitista. Il non ha, como in Germania, un limine electoral de 5%, ben que le numero de sedes de 150 naturalmente causa un de facto limine de 0,67%.
Il non ha in Nederland, como il ha in Francia, le Statos Unite e Regno Unite, un systema de districtos in le qual de cata districto solo un representante va al parlamento.
Io trova nostre representation proportional bon. Le voce de cata un pote ser audite, omnes pote sentir se representate.
Un tal systema anque habe disavantages: il ha multe partitos in le parlamento, relativemente parve, con avisos divergente. Per illo il es difficile formar un cabinetto que ha le supporto de un majoritate. Cata vice illo mena a perdita de tempore per negotiationes longe pro formar un coalition de plure partitos.
Como solution io propone: vamos servir nos del participation electoral, del proportion del votantes que de facto appare in un bureau de voto pro dar lor voto a candidatos. 75% es considerate decente, ma le 25% que non ha votate, formarea un fraction considerabile in le parlamento, si on simplicemente includerea lor non-voto in le numeration.
Le non-votatores (pro varie rationes) da le signal que il non les importa. Io dice: alora tracta les assi. Decide in le parlamento, pro illes e sin illes. Si illo non les place, illes deberea haber votate.
Tunc nos haberea in le parlamento un fraction bastante grande que non contine parlamentarios real, ma que tamen habe le derecto de votar. Lor comportamento de voto nos conveni previemente:
Le Sedes Inoccupate vota pro cata proposition de lege.
Le Sedes Inoccupate vota pro cata motion del parlamento. Illo es applica a motiones del partitos del coalition, como a motiones del partitos del opposition. Sed:
Le Sedes Inoccupate nunquam vota pro un motion de censura o motion de non-confidentia. Isto facilita le stabilitate del governamento.
Assi nos pote attinger un effecto stabilisante de un Secunde Camera que es tamen critic.
Le comportamento de votar que es arrangiate in avantia, possibilisa que le Sedes Inoccupate es considerate parte de cata coalition visate. Pro isto con cata resultato electoral, il ha multe optiones pro formar un governamento con appoio sufficiente.
Le negotios de coalition pote ser breve e le politica governamental vigorose, clar e effective. Le grande disavantage del representation proportional, nam le governabilitate infime, es obviate.
Derecto de autor © 2017, R. Harmsen, tote derectos de copia reservate, all rights reserved.