Le 4–, traducite in interlingua per le autor del original, transformante le traduction portugese per Google Translate de mi traduction anglese del original nederlandese, a in interlingua.
Io trovava notas del 12 de april 2022, in le quales de facto io habeva describite le mesme idea que io habeva de novo in le nocte del 14 a 15 de novembre, e que resultava in iste articulo. Sed con un differentia importante:
Tunc io proponeva que le medietate del sedes serea determinate in le prime ronda del election. In le secunde ronda, solo le tres partitos le plus grande poterea participar, e le votatores poteva divider le altere medietate del sedes inter iste tres partitos.
Le avantage de mi proposition de april in comparation con illo de novembre, es que partitos minor remane representate in de Camera. Il non ha solo tres partitos in illo per definition. Ma iste tres partitos insimul ha al minus le medietate del sedes. In ultra illos ha satis multe sedes ex le prime ronda electoral. Per isto anque hic il ha le avantage que formar un governamento de coalition de un o duo partitos es plus facile. Assi le gestion del pais es plus clar e plus effective.
Qual es le effecto de isto in le practica? Tote le partitos minor que le tres majores, es bisecate. Illos que in le systema existente haberea obtenite solo un sede, ora ha nulle. Iste sedes es repartite inter tote le altere partitos.
Le tres partitos major es anque bisecate, sed in ultra illos obtene lor parte del altere medietate de sedes in le Camera. Illo pote evenir proportionalmente al resultatos del prime ronda, ma isto non es certe. Votatores ya pote reconsiderar su preferentia.
In le exemplo que io ha discutite in mi previe articulo (solo disponibile in nederlandese), le resultatos del tres partitos major serea approximatemente: VVD 40, PVV 34, BBB 28. Le avantage del majoritate simplice de un o duo partitos tunc non plus existe. Negotiationes difficile con partitos minor de novo deberea occurrer.
Ergo isto non es un bon proposition. Io lo retira, e retorna al anterior. Le partitos minor non es in le parlamento, que illos face un sito web pro le promotion de lor ideas. Illos habera un nove chance in le proxime electiones.
Derecto de autor © 2022, R. Harmsen, tote le derectos reservate, all rights reserved.