Le 25–, traducite in interlingua per le autor del original, transformante le traduction espaniol per Google Translate del original nederlandese.
Ja annos il ha un enorme fragmentation in le politica nederlandese. In le ultime electiones parlamentar, le 17 de martio 2021, 17 partitos obteneva sedes in le Camera de Representantes. A causa de querelas interne e scissiones, intertanto le numero ha crescite a 21. Le formation de un coalition pro governar, de quatro partitos, era multo difficile e prendeva multo troppo tempore. Le debattos del Camera occupa sovente multe tempore, anque proque il ha tante factiones, que in principio totes ha le derecto de parlar.
In multe paises, con diverse systemas, le democratia non functiona ben. Qui critica dictaturas, deberea poter contraponer a illo democratias ben functionante. Ora isto non es possibile. Ergo ameliorar le democratia ha un grande importantia pro tote le mundo, e pro le destino del humanitate.
In septembre 2010 io concipeva un solution in le qual le non-votantes contarea como un gruppo que automaticamente appoiarea tanto le coalition governante como le opposition. Isto simplificarea e accelerarea le formation de coalitiones e conducerea a un governamento plus efficace.
Io mesme videva un problema potential si politicos malitiose abusava de illo. Sed io pensava que le parlamentarios era troppo serie pro illo, assi que il non habeva un problema. Ora tamen, quando le populismo ha tante partitarios, e il ha mesmo representantes electe qui adhere a theorias de conspiration, io ha minus fide in illo. Dunque nunc io a pena ancora appoia mi proprie proposition de tunc.
Durante longe tempore io esseva contra un limine electoral. Esseva mi opinion que anque partitos con poc adherentes deberea poter lassar audir lor voces in le Camera de Representantes.
Intertanto io pensa que un limine electoral, per exemplo de 5% como in Germania, es inevitabile. Isto darea como resultato un reduction significative del numero de fractiones. Gratias al entrata e divulgation del internet, dissidentes pote lassar audir se anque sin esser representate in le parlamento.
Sed io face ancora un passo.
Mi nove proposition es un fusion del systema bipartite britannic-american, le limine electoral german, e le electiones presidential francese in duo rondas.
Io propone in punctos essential mantener le organisation politic de Nederland, que es similar a illo de, per exemplo, Germania, Israel, Portugal e Italia:
Le chef de stato ha un function ceremonial, sed quasi nulle poter politic. Si iste chef de stato es un rege o un presidente, in essentia non importa.
Le poter politic es con le ministros, dirigite per le prime ministro. (Il anque pote haber viceministros o secretarios de stato.) Iste equipa de ministros cerca le appoio del parlamento. Le parlamento ha le derecto de destituer un ministro, o tote le governamento.
Le poter judicial es independente. Le judices, le parlamento e le governamento insimul forma le Trias Politica, pro un adequate separation de poteres.
Alcun manieras de organisar le stato ha disavantages:
In Francia, Russia e le Statos Unite, per exemplo, le presidente electe ha multe poter. Isto es indesirabile, proque le interesses oppositional es tro poco servite.
Le separation de poteres es bon, ma non debe conducer a stagnation. In le Statos Unite le presidente ha poter, ma anque le Camera de Representantes e le Senato. Electiones intermedie causa que le composition del Cameras del Congresso es sovente differente. Le systema bipartite, que es le resultato del electiones con first past the post, o winner takes all, sovente ha le resultato que le presidente pote facer nihil in le secunde medietate de su mandato, proque le parlamento bloca tote su propositiones.
In Nederland, le Senato es electe in un maniera differente que le Camera de Representantes, nam indirectemente via le Statos Provincial. Isto tamben sovente conduce a extra difficultates in formar e mantener un coalition efficace de governamento. Decisiones e mesuras necesse non pote esser prendite, o es seriemente arretrate.
In China probabilemente pro isto se ride de nos, paises democratic. China es un dictatura. Isto es mal, sed al minus illes illac prende decisiones.
Mi proposition es: un parlamento unicameral, sin senato, un chef de stato practicamente sin poter politic, le poter executive es con un equipa de ministros que require le appoio del parlamento.
Le parlamento es eligite per representation proportional, in duo rondas. Tote le partitos pote participar in le prime ronda. In le secunde ronda, duo septimanas depost, solo participa le major tres partitos ex le prime ronda.
Isto ha le effecto de un limine electoral substantial, ma con un momento de reflexion pro le votantes. Qui vide su partito de prime preferentia eliminate in le prime ronda, pote ancora eliger un del tres partitos major. Le resultato del secunde ronda determina le distribution del sedes in le parlamento, anque si illo disvia del resultatos obtenite per le tres partitos restante in le prime ronda.
Le parlamento ha un numero impar de sedes, per exemplo 101. Proque il nunquam ha plus que tres partitos, non es necesse plus sedes, como le 150 actual de Nederland. Un bon division del travalio es anque possibile con 101 sedes. O 99 o 75.
Proque desde alora le formation de coalitiones es rapide e facile, le duration del mandato pote esser reducite. Tres annos es satis. Proque il non ancora ha un Senato, le rolo del votante in le checks and balances deveni plus importante. Le populo debe poter de novo eliger ben tosto. Ergo non cinque, non quatro, sed solo tres annos inter le electiones parlamentar.
Iste systema ha un effecto al formation de partitos: con un parve partito on attinge poco. Assi il ha un stimulante pro fusionar partitos simile e bastante parve, a un partito plus grande. Le electiones sera sur le base de partitos, non de personas. Scissiones non plus es possibile. Qui perde le confidentia del faction, o non plus pote identificar se con le linea del partito, debe quitar le Camera, e essera reimplaciate per le proxime candidato in le lista electoral.
Fusiones o scissiones de partitos es valide solo pro le electiones sequente, ma non inter le prime e secunde ronda, e anque non durante le mandato del parlamento.
Avantages:
Derecto de autor © 2022, R. Harmsen, tote le derectos reservate, all rights reserved.