Amsterdam es un urbe melodiose

Le 2 e 3 de novembre 2020. Traducite per le autor, ab le nederlandese del 28 de decembre 2002.

Le citate de Amsterdam in nederlandese sovente es anque appellate Mokum. Iste nomine lo era date per le judeos ashkenazi qui desde le seculo XVII ci cercava un refugio. Amsterdam esseva Groot-Mokum, Grande Mokum, contra Parve Mokum pro designar Rotterdam. Etiam se usava le litteras initial hebree del nomines: iste pagina super le yiddish mentiona Mokum Alef = Amsterdam, Mokum Reis = Rotterdam, Mokum Beth = Berlin.

Le nomine Mokum proveni, via le yiddish, del parola hebree maqom, scribite in scriptura hebree como מָקוֹם. Isto significa "placia, loco". Le radice del parolas se compone del consonantes qof-vav-mem, קום.

Le hebreo e arabe es linguas fortemente affin, e le arabe de facto alsi ha le radice q-w-m, قوم, con significatos similar. La parola arabe maqâm, delitterate in scriptura arabe como مَقَامٌ, etiam significa "placia, loco".

Mais iste mesme parola ha tamben un altere significato: lo de tonalitate, modo, scala, gamma. Le plus subinde il es usate in le plural, maqâmât, مقامات. Istes es series de notas, que forma le base pro innumerabile pecias de musica arabe. In istes occurre notas que es inter le usuales de musica occidental, que es un factor contribuente al sono particular del musica oriental.

Assi reguardate on poterea poner, via nexos historic contingente, que Amsterdam es comocunque ligate a melodias.

Ille ligamines da plus information super iste scalas arabe.
Al Amir
Al Baab
Libanon - modes
Libanon - maqâmât
Maqam world.

On indica hic le distantias special tonal, dunque le intervallos, como per exemplo 3/4, o tres quartos de un tono major in le musica occidental. Un tal tono major es le distantia inter, per exemplo, un nota ‘c’ e ‘d’, anque appellate un secunda major. Exprimite in cents, tres quartos de duo semitonos es 150, proque 100 cents es un semitono, 200 un tono major, e 1200 un octava.

Istes es toto representationes approximative, basate sur le temperamento de batti­mentos equal (o melio dicite: battimentos proportional) del musica occidental. Totevia in musica arabe on non lo usa, con le exception de variantes plus moderne, in que sona anque clavieros e guitarras electric.
Anque in musica occidental plus ancian, e ancora per quartettos de arcos, orchestras de chordas, e choros a cappella, on applica intervallos pur, de rationes de frequentias que pote esser exprimite in numeros relativemente parve.

Pythagoras (in greco Πυθαγόρας) acceptava pro le rationes solo le factores 2 (octava) e 3 (quinta). Iste vero produce rationes elegante, ma si le scala es facite plus complete, il resulta numeros multo grande. Assi un tertia major, composite de duo secundas major de 9:8, obtene le ration 81:64 (407,82 cents). Un ration multo plus elegante es 5:4, que es anque un tertia major, de 386,31 cents. Sed tunc etiam le factor 5 ha un rolo, lo que Πυθαγόρας non voleva. Aristoxenos (Αριστόξενος in greco) si.

Musica arabe face un passo extra: on usa anque le factor 11. (E 7, on dice, ma io non ha audite lo. 17 si, vide infra.) Tres tonos con frequentias in le ration de 10:11:12 resulta in intervallos de 165,00 e 150,64 cents, dunque approximate­mente 150, o un e media semitono. Insimul istes naturalmente face 315,64, que corresponde con le ration de 6:5. Per combinar iste intervallos in varie manieras con intervallos plus "ordinari", on obtene le maqâmât del ligamine ja mentionate.

In le tabella in basso il ha le sequente datos:

Solo le direction crescente es monstrate, non le descendente.


Sullam maqâmât al-bayâtî ( سلّم مقامات البياتى )

Exemplo sonor

110 60 1:1 - 0,00
211 66 11:1011:10 165,00
312 72 6:5 12:11 315,64
413 ⅓ 80 4:3 10:9 498,04
515 90 3:2 9:8 701,96
616 ½ 99 33:2011:10 866,96
718 108 9:5 12:11 1017,60
820 120 2:1 10:9 1200,00

Sullam maqâmât ar-râst ( سلّم مقامات الراست )

Exemplo sonor

1 9 54 1:1 - 0,00
210 60 10:9 10:9 182,40
311 66 11:9 11:10 341,41
412 72 4:3 12:11 498,04
513 ⅓ 80 40:2710:9 680,45
615 90 5:3 9:8 884,36
716 ½ 99 11:6 11:10 1049,36
818 108 2:1 12:11 1200,00

Un facto saliente es que in ar-râst il manca un quinta pur!


Sullam maqâmât as-sîkâh ( سلّم مقامات السيكاه )

Exemplo sonor

111 66 1:1 - 0,00
212 72 12:1112:11 150,64
313 ⅓ 80 40:3310:9 333,04
415 90 15:119:8 536,95
516 ½ 99 3:2 11:10 701,96
618 108 18:1112:11 852,59
720 120 20:1110:9 1035,00
822 132 2:1 11:10 1200,00

E as-sîkâh non ha un quarta normal!


Al-bayâtî, ar-râst e as-sîkâh essentialmente es cata vice le mesme scala, solo le puncto de initio, le base, in termino musical occidental le tonica, es differente.


Sullam maqâmât al-hizâm ( سلّم مقامات الهزام )

Exemplo sonor

111 66 1:1 - 0,00
212 72 12:11 12:11 150,64
313 ⅓ 80 40:33 10:9 333,04
414 ⅙ 85 85:60 17:16 438,00
517 102 17:11 6:5 753,64
618 108 18:11 18:17 852,59
720 120 20:11 10:9 1035,00
822 132 2:1 11:10 1200,00

Sullam maqâmât as-sûznak ( سلّم مقامات السوزْنَك )

Exemplo sonor

1 9 54 1:1 - 0,00
210 60 10:9 10:9 182,40
311 66 11:9 11:10347,41
412 72 4:3 12:11498,04
513 ⅓ 80 40:2710:9 680,45
614 ⅙ 85 85:5417:16785,40
717 102 17:9 6:5 1101,05
818 108 2:1 18:171200,00

Al-hizâm e as-sûznak es essentialmente le mesme scala, ma con un altere tonica.

Io non es secur que le rationes del frequentias es in effecto como io los hic indica, mais io non vide un altere possibilitate pro approximar le altores date, mantenente le numerator e denominator del rationes bastante basse.

Colores: Enoiose Extravagante Necun preferentia Recarga le pagina