Le .
A causa de un combination de pigritia, deficit de disciplina, resistentias e inhibitiones, e forsan anque manco de talento, io sape sonar le guitarra ben, ma non bastante ben pro poter presentar mi proprie pecias a un nivello acceptabilemente alte. Alcunes, e.g. Noite sem ti, Seja como for, Tudo ben, ha partes o aspectos que es technicamente exigente, ma mesmo un pecia relativemente facile como La nepovado kompreni io apena pote sonar perfectemente, per mancantia de practicar.
Io sape que il ha guitarristas qui sape sonar multo melio que io. Un sonio mie es que forsan un die, ante o post mi morte, un tal bon guitarrista facerea un o plus de mi pecias parte de su repertorio. Illo esserea pro me un grande honor.
Io mentiona Petra Poláčková, Mateusz Kowalski, Michael Stoop, John Feeley, Paola Hermosín, NADiA Kossinskaja (Надия Косинская), Andrea Gonzalez Caballero, Cristina Galietto, Nora Buschmann, Beatrix Kovács, etc. etc. Il ha tantes!
Assi, ja ora pro alora, jam nunc pro tunc, reeds nu voor alsdan, io concede hic licentia a tal guitarristas pro usar mi pecias musical, pro sonar e registrar los, pro publicar registrationes, e pro sonar iste pecias mie in publico. Sin costos. Como dicite, illo me serea un honor.
Derectos de autor © 2025 de R. Harmsen.