Noite sem ti

Le 5 de decembre 2024.

Olim

Iste pecia io scribeva in 1977; o scribeva, plus tosto illo esseva un improvisation repetite, que gradualmente se crystallisava e se standardisava.

Le inspiration esseva, como tanto sovente in musica, e in arte in general, un amor inattingibile. Noite sem ti, nocte o vespere sin te. Ni die, ni vespere, ni nocte io ha passate con iste puera. Forsan si illa quandocunque habeva essite con me, io me haberea sentite incommode, proque io sapeva tan poco de illa, que quisape nos non esseva un match del toto.

Bon, ma le memoria de su oculos blau remane pro sempre. E il ha ora le musica, que pensa totes de illo que illes vole pensar.

Technicalitates

Del file fonte Lilypond pote producer le partitura e le file midi.