Le
Le registration original de 1991, publicate in 2001 contine un sorta de click track, un pista de cliches, facite per colpar al corpore del guitarra. Illo sembla esser estraniemente foris de tempore, comocunque sin esser mal.
Io ha includite iste elemento rhythmic ni in le tabulatura ni in le partitura, proque io non lo comprende, in despecto de haber consciemente mesmo create lo, tante annos retro.
Antea, le
file
ogg facite per guittabl era monophonic,
que sona bastante ben. Ma heri io corrigeva alcun errores (I fixed
some bugs) in le elemento
fmchip
de mi programma
guittabl,
in le function init_fmchip pro le detection del chip FM
(Yamaha OPL2), e de su eventual capacitate stereophonic.
Assi ora guittabl pote facer musica monophonic (typo de Soundblaster
in DosBox, sbtype, es sb1 o sb2),
o stereophonic (sbpro1; con sbpro2 e sb16
illo non functiona).
Ma iste effecto stereophonic es dur: un instrumento es integremente in le canal sinistre, le altere completemente in le canal dextre. Illo forsan sona ben con altoparlatores, ma non con auriculares. Io mesmo habeva le impression que le notas in le solo era disaccordate, nam troppo basse. Poterea isto esser un effecto affin con le problema de audir que le pianista nederlandese Wibi Soerjadi habeva in 2009?
Fragmentos pro comparar: monophonic, stereo dur, stereo blande.
Un Soundblaster Pro contine un mixer, ma ab illo que io lege il non sembla esser possibile facer con illo un effecto panning, i.e. mitter un parve parte de un signal al canal sinistre, e un plus grande parte al altere canal, e le mesme con le altere signal, ora comenciante con le canal dextere. Ma io non vermente ha essayate facer lo con ille mixer.
Io voleva usar le programma audacity, ma non sapeva como.
Desde alcun septimanas o menses, Google non immediatemente essaya trovar
paginas de web, ma presenta un responsa ab IA, Intelligentia Artificial.
Alcunes non lo vole, e on pote evitar lo per adder al phrase de cerca le
indication -ia. On dice que IA require multe electricitate,
ma io pensa que illo vale pro trainar le modello, e minus pro usar lo.
E cercar in un indice de parolas pro trovar paginas anque es un carga
intensive.
audacityComocunque, in iste caso le IA de Google me ha ben adjuvate. Mi question
esseva
“audacity create milder stereo sound, slightly mixing left and right”.
E Google me ha date instructiones quasi perfecte, salvo que io interpretava
“"Tracks" > "Split Stereo Track"” como si illo se refererea al menu
in le parte superior del schermo. De facto, al minus in le version de
audacity que io usa (3.2.4, sub Bunsenlabs Linux),
le function se trova in un menu local del pista (track).
Le resultato ha un pannation de 70% de cata canal.
Derectos de autor © 2025 de R. Harmsen.