Le 28–29 de maio, e le 9–
“Can’t skip the pain”, anglese pro ‘Io non pote saltar le dolor’. Non un dolor physic; e de tunc, non de nunc.
Io publicava le registration original, facite in 1991 (data plus exacte incognite) ja in julio 2001. In 1991 io registrava sur mi Tascam Portastudio, in le sala de banio de nostre casa de tunc, primo le base de accordos, pois le solo improvisate audiente le base in un receptor de capite. (Io intende “sala de banio” litteralmente, non como un indication euphemistic del W.C. Illo esseva un camera con ducha, banio, e lavabo.)
Annos plus tarde io debe haber facite, io non me memora como,
files
de tabulatura pro mi programma
guittabl,
nam le data del file del base de accordos es le 10 de julio 1994, illo
del file del solo le 28 januario 1995. De isto io publica ora in 2025
un partitura,
que include tabulatura e diagrammas del accordos,
e un
file sonabile
del typo Midi.
Crear un tabulatura o partitura ab un registration de sono non es facile. Forsan hodie con IA (Intelligentia Artificial) illo es ben possibile, sed in 1994 tal cosas non esseva disponibile. Si io ha mesme scribite un programma, o usate alco que io habeva trovate in le internet (que tunc comenciava a esser disponibile a totes), io non me memora. Ma io sape que le effortia era grande.
Le tabdata del solo non es complete: in le registration audio publicate in 2001, illo continua multo plus longe.
Le solo clarmente es improvisate, non componite, proque illo contine multe syncopation, multe curte reposos al initio de un mesura, notas de longor curiose como cinque quartes de un sedecesime, sequentias de plure notas de tres sedecesimes, triolos, notas que se extende preter un barra de mesura.
Initialmente io pensava que le accordos haberea un repetition regular. Ma illo probava non esser ver, anque illac il ha variationes, como tres mesuras hic, quatro alterubi, etc., e il esseva necesse notar toto integralmente, pro arrivar a un synchronisation perfecte inter accordos e solo. Il habeva multe labor in codificar toto isto pro Lilypond.
De facto il es un follia notar tal musica improvisate, proque nemo va sonar lo ab le partitura. Tamen io lo trova interessante vider e audir le resultato.
In iste directorio il ha un
makefile e le
files fonte pro Lilypond, nam
CantSkip-base.ly,
CantSkip-guitbase.ly,
CantSkip-solo.ly,
CantSkip-guitsolo.ly,
con le quales make pote producer files PDF e Midi,
solo del base thematic del pecia, e del base con un solo de guitarra:
CantSkip-base.pdf,
CantSkip-base.midi,
CantSkip-solo.pdf,
CantSkip-solo.midi.
Il ha hic etiam
un registration
via le programma audacity, del pecia como sonate per mi programma
guittabl
via le programma
DosBox,
ab le files in le directorio
tabdata.
Additiones al explicationes.
Derectos de autor © 2025 de R. Harmsen.