Le
A iste cinquanta-prime anniversario del fin del dictatura in Portugal, ancora sin me realisar le data, spontaneemente me veniva in mente, satis facile- e velocemente, un grande numero de platitudes e expressiones, que totevia, io senti, es importante e multo valide.
Io voleva facer de isto un quasi-alexandrino, e jam in le prime phrase, “vive e lassa viver”, -..-..-, o “viver e lassar viver”, .-..-.-, io collideva al regulas que scarsemente permitte sequentias de curte syllabas. Io pensava de relaxar le requirimentos metric, per permitter in addition, ..-..-..-, .-.-.-.., e ..-..-..-, puncto final. Sed illo semblava un solution coarde e debile.
Melior, o forsan ancora plus debile, es iste vice abandonar le schema integremente, e scriber prosa con un forte metro, ma variabile. E indicate. Ecce.
| ..-..-..- | ..-...-. |
| Que vos vive e lassa viver, | rational e moderate. |
| ...-...-..- | -...-..-.. |
| Que vos non vole que eveni a vos, | item non lo face a alteres. |
| .-..-..-. | -..-..-. |
| Mattheo: sermon sur le monte, | Luca: sermon a la plana. |
| -..-.. | -.- -.- |
| Regula auree, | do ut des, quid pro quo. |
| -..- .-...- | ...-...- |
| Locos commun, truismos e clichés, | que vaderea sin dicer. |
| -.-.-.-. | -.-.-.-. |
| Proque tamen mentionar los? | Lo que totes ja ben sape. |
| ...-...-. | .-....- |
| Ya es sovente infringite, | tan digne a lamentar. |
| .-...-. | .-...-. |
| Malitia governa, | psychopathes dispone. |
| -..-.. | -..-..-.. |
| Non a imperios, | si a paises autonome. |
| -..-.. | .-..-. |
| Non a violentia, | convince sin fortia. |
| .-..-. | .-..-. |
| Evita le dogmas, | non sia fanatic. |
| .-..-. | .-..-. |
| In vice de furto, | melior es commercio. |
| ..-.-.-. | -...- |
| Situationes gania-gania, | dar e reciper. |
| .-...-. | .-...-.. |
| Negotia e transige, | concede, beneficia. |
| ..-...-.-. | -..-..- |
| Unitate in diversitate, | cata un sia qui es. |
| .-.-..-. | -....-. |
| Que totes vive in pace, | libere e felice. |