Major dictionarios de interlingua
Le
Un question interessantissime in Facebook, per Martin Lavallée: “Qual es le maxime grande dictionario de interlingua?”.
Il sembla facile utilisar le datos textual, que es al base de mi interfacie al varie dictionarios de interlingua (e un de esperanto, in honor al inventor del concepto del interfacie, Paul Denisowski), pro determinar que es le dictionario le major, e illo in secunde loco, etc., dunque facer un ordination hierarchic.
Un prime approche mie esseva profitar del extractor de parolas que io faceva pro mi motor de cerca Siworin, pro extraher e contar tote le parolas in le dictionarios, non solo le parolas del lemmas, ma anque del synonymos, descriptiones e explicationes (in dictionarios unilingue), traductiones (in dictionarios bilingue), e in le exemplos de uso. Le resultatos esseva assi:
| Autor / compilator | Linguas | Numero de parolas |
Numero de litteras |
|---|---|---|---|
| Piet Cleij | nl>ia | 1.532.707 | 11.061.443 |
| Piet Cleij | ia>nl | 787.805 | 6.250.123 |
| Pian Boalt | sv>ia | 732.372 | 5.416.668 |
| Piet Cleij | fr>ia | 716.449 | 5.232.546 |
| Toma Macovei | ia>ia | 600.842 | 3.972.767 |
| André Schild &
Helmut E. Ruhrig | de>ia | 303.033 | 2.420.339 |
| Alexander Gode | ia>en | 188.280 | 1.406.648 |
| Jacinto Javier
Bowks DelaRosa | en>ia | 139.318 | 1.025.716 |
| Fandom, sin nomine | es>ia | 81.604 | 664.125 |
| Carlos Soreto | ia>en | 76.575 | 663.599 |
| Brian Sexton &
Frank Peter Gopsill | en>ia | 72.787 | 564.255 |
| Woodruff W. Bryne | en>ia | 24.347 | 172.483 |
Totevia, iste comparation non es completemente honeste, a causa de complicationes technic que io ha mesme causate.
Alexander Gode in su IED (Interlingua-English Dictionary) de certe vocabulos ha clarificate lor structura, per exemplo
iso·scele. A fin que le parola sia anque trovate per simplicemente cercar conisoscele, in le file de texto io ha modificateiso·scele
aisoscele (iso·scele).Pois que in Unicode le character de separation hic usate, nam ‘·’, non es considerate alphabetic, e in mi programma pro le extraction de parolas io non ha un regula special pro iste como io ha pro le tracto de union ‘-’, duo parolas additional es contate sin bon ration, nam
isoescele.In multe dictionarios, a saper
de>ia,fr>ia,nl>ia,ia>nlesv>ia, accentuationes deviante del regular es indicate per sublinear le vocal in le syllaba in question. Pro le mesme ration que in alto, nam le cercabilitate e trovabilitate, io ha modificate per exemploins<u>i</u>mul
ainsimul (ins<u>i</u>mul).
Le separator de parolas non lo comprende e conta immeritatemente le extra parolasinsemul. Specialmente in le dictionario denl>iade Piet Cleij isto eveni anque cata vice si un tal parola occurre in le traduction de un expression o phrase nederlandese, que injustemente multo accresce le numero de parolas usate in le dictionario.
Pro iste rationes io ora anque face un numeration plus simplice: lo del lineas in le files de texto. Isto include le lemma, e le exemplos.
| Autor / compilator | Linguas | Numero de lineas |
|---|---|---|
| Piet Cleij | nl>ia | 253.047 |
| Piet Cleij | ia>nl | 150.729 |
| Piet Cleij | fr>ia | 129.202 |
| Pian Boalt | sv>ia | 128.688 |
| André Schild &
Helmut E. Ruhrig | de>ia | 76.938 |
| Jacinto Javier
Bowks DelaRosa | en>ia | 75.846 |
| Toma Macovei | ia>ia | 48.691 |
| Alexander Gode | ia>en | 34.928 |
| Fandom, sin nomine | es>ia | 22.840 |
| Brian Sexton &
Frank Peter Gopsill | en>ia | 18.627 |
| Carlos Soreto | ia>en | 18.112 |
| Woodruff W. Bryne | en>ia | 5.971 |
Conclusion: Piet Cleij e Pian Boalt remane le campiones. In tertie position indecidite es Schild&Ruhrig e Macovei. Toma Macovei in le ultime lista es multo plus basse, ma isto de nove ha un ration technic: in le file que io usa, multe expressiones e exemplos es in un sol linea, le linea le plus longe ha 1867 characteres. In le dictionarios de Piet Cleij, in contrasto le expressiones e exemplos es in lineas separate cata un.