Le
Le sequente breve texto io scribeva le 12 de novembre in le gruppo de Telegram “Interlingua Anarchia”. Io lo postava a proposito de un photo suggestive, intertanto removite, que suggereva que un ex-presidente de Bolivia e un ex-presidente de Argentina que ille admira, esserea pedophilos. Io non recognosceva le personas in le photos e peteva explicationes. Plus tarde il deveniva clar que le ex-presidente de Argentina esseva Juan Perón (1895–1974) quanto a Nelly Rivas.
Quando a proposito de ille articulo de Wikipedia io commentava: “"allegedly". Ergo il non ha prova.” e anque citava “It is unknown whether the relationship between Nelly Rivas and Perón really took place.”, le postator original scribeva que illo monstra como io es un persona disagradabile, pro negar que Perón esseva un pedophilo. In realitate io ni negava ni confirmava quecunque cosa. Io solo citava le Wikipedia, que anque non nega alco, solo dice que nos non lo sape.
Ben, sia isto como es, ora seque le texto plus general qui io tunc scribeva, e que in mi opinion modeste es satis ben scribite e assi digne de esser publicate hic in mi sito web.
Un homine qui se senti attracte a un puera troppo juvene, ma qui ja ha le characteristicas physic que es typic pro feminas, non es un pedophilo. Pedophilos se senti attracte a pueras o pueros ancora SIN tal characteristicas que comencia in le pubertate.
Al minus in Nederland, forsan anque in altere paises, relationes sexual ab le etate de 16 annos non es legalmente culpabile. Sub le conditiones naturalmente, que illo es mutualmente voluntari, que il non existe un situation de dependentia (medico e patiente, inseniante e alumno, etc.), e il non se tracta de un situation de exploitation, anque cognoscite como prostitution. Tamen personas es major de etate ab 18 annos, non 16 annos.
A parte de questiones juridic naturalmente on pote haber opiniones moral sur tal situationes. Personas de 17 e 15 annos qui senti un attraction, non es immoral. Ma bastante juvene. Activitate sexual tunc es strictemente juridicamente illegal. Con 19 e 17 annos nonobstante il ha nulle problemas.
Alcunes usa un regula: (etate / 2) + 7. Un puero de 18 annos pote haber un amica de 9+7 = 16 annos. Un homine de 28 annos de 21, 38 e 26, 58 e 36, 68 e 41, etc. Acceptabile? Naturalmente, il es equalmente acceptabile si le homine es plus juvene que le femina.
Derecto de autor © 2024, R. Harmsen, tote derectos de copia reservate, all rights reserved.