Tracias de condensation
Le
Ja multe vices durante le annos io voleva scriber super le thema,
e io colligeva multe notas e referentias. Ma hodie il occurreva
a me que il non plus es necesse scriber lo, proque le Wikipedia
in anglese (qui face traductiones in interlingua? non io) ja
contine toto que io poterea unquam scriber re illo, e plus e melior:
Chemtrail conspiracy theory,
Contrails.
On vide le strias o tracias de condensation detra le motores de jecto de aviones. Anque (con curte duration) detra le tubo de escappamento de automobiles, etc. Istes obviemente es machinas, apparatos technic inventate per humanos.
Ma le phenomeno occurre anque naturalmente, naturalmente. Le bucca de humanos e de altere mammales in un die humide e frigide del autumno. Le spiraculo, le orificio nasal de un balena. Etc.
E mesmo arbores pote lassar escappar nebulas. In bassa il ha duo videos que io faceva le 11 de junio 2018 in camping Rio Vero in le nord de Espania, presso Alquézar. Post un nocte con multissime pluvia, le sol matutin calefaceva le cortice molliate de un arbore. Le aere ancora esseva frigide.