Le
Glissando es le transition gradual de un nota a un altere. Sur un piano illo comprende le premer de plure claves in succession, assi que on audi un scala de notas discrete. Sur un violino totevia le transition pote esser continue, sin scalonamento.
Vibrato es un variation periodic del altor tonal, bastante lentemente, alcun vices per secunda.
Combinar glissando e vibrato es un effecto satis special, usate in multo poc typos de musica. Pro me como un violinista multo mediocre, vibrato ja es difficile proque le bracio dextre tende a lassar se influentiar per le movimento al latere sinistre, que perturba le ja mal maneamento del archetto. Facer un glissando es satis facile. Combinar le duo me es totalmente impossibile.
Tamen il ha habite e ancora ha heroes e magos del violino qui ha maestrate iste technica: Béla Berki, Sándor Járóka, Lajos Sárközy, Ernő Oláh, Vilmos Mohácsi, Paul Toscano, Michael Ionesco, e le maestro absolute: Yoska Nemeth (in hungaro: Németh József), 2 , 3 , 4 , 5 , 6 .
Forsan troppo dulce, sed me place.
Tom Jones in su canto famose Delilah anque varie vices usava vibrato in combination con un glissando, e.g. a 1m35s. “She stood there laughing. I felt the knife in my hand, and she laughed no more.” Tom Jones, qui nasceva in Galles (Wales) hic essayava sequer le pronunciation american, como esseva tunc (1968) in moda. Su “laughing” sona ben, ma non su “laughed”, que in mi aviso es quasi un ‘left’.
Ancora un exemplo: sur “more” a 2m06s.
Solo ora io ben audi e comprende le texto, e non me place le historia. Ma le musica e maniera de cantar es bon.