Le
Duo interlinguistas active se reincontrava in un filo mie in Facebook:
Gonçalo Neves. Ille sape ben interlingua, ma anque esperanto e ido. In 2021, ille publicava un libro in interlingua super un conferentia de esperanto, libro que previemente anque appareva in ido e esperanto. Gonçalo vive in le nord de Portugal.
Carlos Valcárcel. Ille es le initiator de un canal in TikTok, que intertanto ha plus de 585.000 sequitores e ha obtenite 5,6 milliones de likes. Carlos vive in Gallecia, un communitate autonome in le nord-west de Espania.
Illes constatava probabilemente esser le interlinguistas le plus presso le un le altere, e pensava de un die se incontrar. Io pensava: le conferentia de 2023 poterea haber essite un bon occasion pro un tal incontro. Nam le conferentia esseva provisionalmente planate in un localitate in o presso le citate portugese de Porto.
Ma le papa es le guastafesta – non intentionalmente, naturalmente. Nam ille va visitar Portugal, anque Fátima, le 2–6 de augusto 2023, lo que, como io legeva in Panorama in interlingua 2023-2, pagina 5, ha altiate considerabilemente le precios de allogiamento.
Isto es regrettabile, proque como io ha audite, anque alcun membros del movimento de interlingua in Brasil, que es satis active, ha considerate ir, proque le precios de volos de Brasil a Porto es plus basse que a Lisbona o altere citates europee.
Io es curiose si il sera possibile a tan curte aviso tamen organisar un conferentia international de interlingua. Forsan le mesme occurrera que dece annos retro. Varie circumstantias impediva le conferentia international de 2013 in Germania, alora le conferentia nordic de 2014 (al qual io assisteva, e que esseva le prime pro me) era combinate con le conferentia international.
Un tal combination pote augmentar le numero de participantes. In 2014 il habeva 32, in 2022 in le mesme loco in Åsa in Svedia, le numero de personas presente (non totes assisteva a tote le dies e tote le excursiones) variava inter 10 e 6. Tamen ambe conferentias esseva interessante e agradabile.
(Le loco non esseva iste Åsa folkhögskola in Sköldinge, ma le Löftadalens folkhögskola in Åsa, region de Halland. Le differentia es quasi 400 km!)
Forsan on deberea anque ponderar de rumper le tradition de celebrar conferentias in le fin de julio e comencio de augusto? Avantages:
Disavantages:
Forsan conferentias in vivo es obsolete, e on deberea facer toto in linea? Isto eveniva in 2021 quando le covid-19 impediva incontros physic. No, incontrar gente in persona certo ha un plusvalor. E le situation de immersion total (vide anque mi articulo Immersion, in germano), que es tanto importante pro ben apprender un lingua, es difficile a attinger solo con sessiones conferential in linea.
Addition le 13 de junio 2023: Varsovia e in linea, ergo un conferentia hybride!