Mitter se in su loco

Le 30 de decembre 2017

Alicunos a vices me considera autistic. Ipse, io pensa que il es possibile que io ha in certe mensura un disturbantia mental, mais io dubita que illo es parte del spectro autistic. Un characteristica que es trovate sovente in personas que vermente se trova usquam in iste spectro, como io ha comprendite es un empathia subdisveloppate. Autistas lo trova difficile comprender e figurar se como se senti altere personas, viste del perspectiva, del situation e fundo de ille personas, non de se mesme.

Tunc il es remarcabile que in un supermercato con multe gente, ubi le spatio es limitate – per exemplo ante Natal o ante le Die del anno nove – ego, le autista supposticie, continua a mirar circum me, pro vigilante e attentivemente detectar lo a tempore, quando mi position o displaciamento impedi alteres, forsan obstrue su accesso al locos ubi illes vole vader o passar.

Per mitter me in su loco io non me mitte in su loco!

Ma multe altere personas, conjecturalmente in majoritate multo plus ‘normal’ quam io, in mi experientia non face isto. Illes pensa solo de su proprie situation e appetentias, riguarda solo in un direction, non juxta se o detra se, e bloca alteres mesmo sin notar que illes lo face.

Io non reprocha illo a illes. Io comprende su situation e sape que illes non ha mal intentiones. Proque io non es un autista. Non un autista antisocial e sin empathia, al minus.


Colores: Enoiose Extravagante Necun preferentia Recarga le pagina