Voces craccante

Le 30 e 31 de januario 2016. Traduction ab le nederlandese original.

Proque ora, proque assi?

Io cita su nomine: Femke van Wiggen. Ma io non critica la personalmente, il es solo que io audiva passar hodie un exemplo clarmente discernibile e reascoltabile del phenomeno. Ja plus longe tempore voleva io facer un scripto breve super illo, e nunc es un bon momento.

Qual?

Qual phenomeno? Voces craccante. In anglese: creaky voices.

In alcun linguas, super toto in Asia, iste tracto ha un valor distinctive, illo occurre a vices e distingue sonos e parolas de alteres que non habe ille tracto.

Altere cosa es quando iste forma de usa del voce, iste phonation (etiam in anglese assi appellate: phonation) remane activate tote le tempore, o durante grande pecias de un phrase, per exemplo su fin.

Ubi, quando, qui?

Il es un trend, io pensa ja del ultime 15 o 20 annos, inter feminas american. Ante toto inter feminas juvene e illas que vole pro juvene passar. Un exemplo arbitrari: le personage Meredith Grey in le serie Grey’s Anatomy (le nomine derivate del del libro de inseniamento medical Gray’s Anatomy), jocate per Ellen Pompeo anque face lo sovente.

Independentemente de illo, io pensa, il ha linguas in que le voce craccante es un poco inveterate, como le hungaro. Possibilemente anque le finnese, ma io non es certe.

Iste fashion american es in le processo de disseminar se a Anglaterra (recentemente de novo io audiva un exemplo de un seniora britannic qui participava in un programma de television sur le emption de casas) e Australia. Mais tamben Nederland sta a ser contagiate. Etiam hic il es super toto le feminas juvene e fashionable qui le face.

Etiam homines

Ma il ha anque homines. Le ministro nederlandese Ronald Plasterk es un exemplo. Ille es ni femina ni juvene; bon, tamen 2 annos plus juvene que io, io vide, e io non me senti vetule, ben que juvene io anque non es. Io non sape si de ille, quanto a tendentias e logopedia, illo se tracta del phenomeno exactemente equal quam del feminas. Concipibilemente ille habe un problema medical del chordas vocal. Toto es possibile.

Le agitator, demagogo e tribuno american Alex Jones anque parla con voce craccante. Felicemente il es toto garrulada stupide que ille avantia, ma mesmo si non esserea assi, io non poterea supportar ascoltar le plus longe que un minuta, mermente per su maniera de parlar.

Como?

Como io lo trova? Io lo trova detestabile e execrabile. Pardono, ma illo es mi opinion. Io spera poter viver ancora (mi anno del nascentia: 1955) quando illo de novo cadera in desuetude, e va ser sentite como multo datate. Que iste articulo mie potera esser pro illo un apporto.

Logopedia mesmo non essera necesse: un poco plus de aere preter le chordas vocal ja pare poter ameliorar le situation.

Io presume que il non o quasi non ha un motivation conscie pro facer lo. Le damas simplemente seque le moda. Es assi que functiona le moda.

Si esserea que feminas parla assi proque illes pensa que sona sexy: io es homine e heterosexual, ergo io ha alcun notion de tal cosas. E io trova tal empleo del voce non del toto sexy. Pro me il mesmo arriva al puncto de non poter trovar un belle femina belle o attrahente (que non es sempre le mesme cosa) si illa parla assi.

Forsan isto es differente inter homines del mesme etate que iste donnas. Nonobstante, Ellen Pompeo evidentiava se de 46 annos. Io la darea 35.


Reascoltar

Le fragmento audio face parte del programma ‘De Nieuwsshow’ (Show de novas) del radiodiffusor nederlandese Radio 1, e esseva diffundite desde approximativemente undece horas minus quarto del matino. On pote audir lo via iste ligamine, desde le tempore 47m47s.


Addition del 7 de februario 2016

Le cabaretista nederlandese Freek de Jonge in le ultime annos anque cracca multo. Ben audibile in iste intervista nocturne con Filemon Wesselink, in le serie ‘De overnachting’ (‘Le pernoctation’).

Nos habe un album duple de Freek de Jonge con un registration de su spectaculo ‘De tragiek’ (Le tragicitate) de 1981. Tunc ille non jam craccava!


Addition del 13 de augusto 2016

Le craccar anque in espaniol. “Penelope Cruz ft. Bebe - Cocaine (Siempre Me Quedara)”. Multo fede e irritante!


Colores: Enoiose Extravagante Necun preferentia Recarga le pagina