Le
“Cosa vi fa pensare che le industrie farmaceutiche e le istituzioni sanitarie, in un sistema neoliberista, lavorino per il bene della popolazione e non per l'utile e l'interesse del capitale?”
‘Que face vos pensar que le industria pharmaceutic e le institutiones sanitari, in un systema neoliberalista, labora pro le ben del population e non pro le utilitate e le interesse del capital?’
Naturalmente le interprisas pharmaceutic e le hospitales, doctores, infirmeras/-os etc. travalia pro ganiar moneta, si possibile: multe moneta. Ma illes anque deriva su motivation del placer del labor, del senso de facer alco bon pro altere humanos, de travaliar intra standards ethic, de prestar servicios e facer productos utile e secur. Sin un tal motivation, nemo pote sustener labor dur, complicate e exigente.
Un interprisa como Pfizer gania ora grande summas con su vaccinos. Ma le recercas e investigationes preliminar ha essite multo costose, anque pro productos que non es autorisate, ma pro le qual le recercas ja esseva facite. Iste modello de ganio es multo riscose: de multe grande investimentos costose forsan un die resultara alcun productos successose e lucrative. On non sape in avantia qual productos, ni quando ni quanto.
Le exemplo de un altere interprisa, Oxford-AstraZeneca, monstra como le successo non es automatic: on suspecta que lor vaccino pote causar effectos secundari, rar ma grave – ben que io crede, il non ha prova de un relation causal? Comocunque, lor vaccino es applicate in minus casos, e non es date a certe gruppos de etate. Assi il es possibile que lor investimentos non sera completemente recuperate.
Le actioneros de interprisas pharmaceutic, ben que lor interesses directe es obtener dividendos e augmento de valor del actiones in possession, assi ha un interesse indirecte, que le productos del interprisa es vermente utile, secur e irreprochabile. Solo assi illes pote ganiar le multe pecunia que illes vole obtener.
Naturalmente, controlos es sempre necesse, anque per institutiones independente sin interesse financiari.