Arbois

Le 3–

Itinere

Le scopo final del viage del vinti-tres era indefinite, le direction certo nord, tan lontan que velle admitter le fatiga. Le hasardo e un guida de campings menava a Port-Lesney, nomine que suggere un loco in Grande Britannia ben que in realitate se trova in Francia.

Arrivate in le village nos non succedeva trovar le entrata del camping. Un apparato de navigation que a vices ha un distortion de qualcun decenas de metros, non vidente bastante satellites; stratas stricte, curvas acute, le causa non es cognite. Per un entrata de detra con barriera, nos videva un tenta de festa, festa que forsan ha obstruite le accesso per le village.

Celebre

Comocunque, nos retornava a Arbois, Camping Les Vignes. Arbois es le urbetto ubi Louis Pasteur non videva le prime luce (ille nasceva in Dole), ma ubi ille ha vivite e studiate, usque 1838/1839. Le casa e le escola ancora existe. E il ha su statua.

Statua de Louis Pasteur

Statua de Louis Pasteur - fronte Statua de Louis Pasteur - dorso

Louis Pasteur es un del multe personas famose e interessante super qui Toma Macovei ha scribite in su libro, recentemente edite, Le vita anecdotic del homines illustre II.

Facilitates

Le infrastructura in multe paises, anque in Francia, es organisate circum locos con function regional. Il ha villages francese que pare in le mappa non multo plus parve que Arbois, ma que ha nulle facilitates. In Arbois in ha tres boulangeries (paneterias) e un separate patisserie (pastisseria), tres supermercatos (Spar, Super U, Atac), cafés e restaurantes, e numerose salas de degustation vinari.

In le officio de tourismo nos cercava information super excursiones a pede. Il non lo ha in le multe brochures e prospectos gratuite, que es plus super e de varie facilitates commercial. Comprehensibile.

Quando le altere touristas presente habeva obtenite lor information, le dama del officio – qui parla multo ben le anglese – nos explicava que le information super promenadas, (a pede e anque a bicycletta) es in un mappa que on pote illac comprar pro 5 euros. Nos trovava illo multo economic, considerante le information que le mappa forni. Illo ha le scala 1:25.000, dunque 4 cm in le mappa es un kilometro in le terreno. Illo es un bon scala pro vider bastante detalios, e tamen pro coperir un zona sufficientemente grande sur un mappa ancora maneabile. Le zona es circa 15 x 15 km; non exactemente le mesme in cata direction por causa del spatio que prende le descriptiones del multe promenadas.

Al altere latere del carta il ha un mappa minor de un region major, e plus descriptiones e photos. Le carta es nominate “Promenades et randonnées, Jura l’inattendu, Arbois - Vignes et Villages, Pays de Louis Pasteur”. Edition 2015.

Promenadas

Cascade des Tufs

Ille mesme die nos faceva le promenada que le dama in le officio de tourismo habeva specialmente consiliate: “Aux sources de la Cuisance”, que mena al Cascade des Tufs (Cascada del Tufos), un salto de aqua presso le parve fonte del fluvio Cuisance (Petite Source de la Cuisance). Photos:

Cascade des Tufs

Cascade des Tufs Cascade des Tufs

Cascade des Tufs

Cascade des Tufs

Le aqua ha formate in le rocca tenere calcaree diverse marmitas a nivellos differente:

Cascade des Tufs

Cascade des Tufs

Cascade des Tufs

Le promenada ha un differentia de altor de 74 m, e un distantia de 2,6 km pro qui va usque le parve fonte. Il es possibile taliar le percurso. Qui anque vole duplar le bassino artificial presso le fonte, debe haber bon calceatura e un poco de audacia, proque le cammino, mesmo in circumstantias sic, es alique glissante a causa de gravella movente. Forsan le itinere ha essite cambiate, proque presso le dica del bassino, un arbore ha cadite e essite serrate, ergo il non es possibile continuar le promenada post haber transversate le parve dica.

Des Arsures au viaduc de Montigny

Un altere promenada, de 7 km e 132 m de differentia de nivello, nos faceva le 26 de junio. On vide in cammino le viaducto ferroviari de Montigny …

Viaduc de Montigny

Viaduc de Montigny

… e belle vistas del paisage:

Paisage presso le viaducto

Paisage presso le viaducto

Paisage presso le viaducto

Paisage presso le viaducto

Le promenadas es ben indicate in le mappa, e in le terreno con placas como in le photo in basso. Le placas sempre indica le puncto initial e final del promenada, e le proxime cruciata, con le distantias. Cata promenada comencia con duo punctos, nominate e indicate in le mappa, que es a presso le un del altere. Assi on sempre pote controlar si on comencia in le direction correcte e planate. Un bon systema.

Placas indicante le routes

Pupillin

Le ultime ma non le minime: Pupillin. Le 25 de junio 2017 nos incontrava la un Fête de l'art, un festa del arte. Cinquanta exhibitores monstrava in duo dies in le village Pupillin lor obras de pictura, sculptura, photographia, ceramica, e arte artisanal.

Ma nos non habeva venite pro illo, sed pro le promenada describite e monstrate in le mappa comprate: “Pupillin, capitale du Ploussard. Distantia 6 km, differentia de altura 385 m. Ben fatigante, ben que in le cruciata nominate “Micheru” io faceva un error de navigation (usante le mappa e le terreno, sin medios technic como GPS), le qual ha inintentionate- ma fortunatemente accurtate le promenada.

Le vistas esseva superbe! Certo le plus belle promenada de illos que nos ha facite in iste region del Jura. Forsan le plus belle jammais. Judica mesme:

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Un zoom sur le ponies:

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Paisage presso Pupillin, Arbois, Jura, Francia

Il sembla que on produce in iste vinias multe typos de uvas, de color azur obscur (o rubre, o nigre?), e blanc (o verde?):

Uvas verde in junio, presso Pupillin, Arbois, Jura, Francia

An on face le vino rosate del uvas blau sin le pellatura? O de uvas blanc? Io non del toto es un experto de vinos e viticultura. Comocunque, le vinos de Arbois es in le salas de degustation vinari, e anque simplicemente in le supermercatos, de ubi veni iste bottilias:

Vino rosate de Arbois, comprate in le Super U

Nota: le objectos in le photo servi pro le composition del natura morte. Le pan e le brie es pro le prandio, le vino nos bibe solo le vespera, e nos non conduce avinatemente.