Idea e schema de 10 de martio, elaboration le 16, 17 e
Iste dominica (le 16 de martio) le population del Crimea pote votar in un referendum. Le optiones son independentia, e adhesion del Crimea a Russia.
Le hebdomadario german ‘Der Spiegel’ (signification del nomine: ‘Le Speculo’) scribeva le 9 de martio:
“Nach Informationen des SPIEGEL erwägt Bundeskanzlerin Angela Merkel, nicht am für Juni geplanten G-8-Gipfel in Sotschi teilzunehmen, sollte es tatsächlich Mitte März zu einem Referendum über die Zukunft der Krim kommen.”
Mi traduction al interlingua:
‘Secundo information del SPIEGEL le cancellero federal Angela Merkel considera non participar in le conferentia al summitate del G8, que es planate pro junio in Sotchi, in caso que a medietate de martio il habera un referendum super le futuro del Crimea.’
Le station de television e sito de notitias nederlandese ‘RTL Nieuws’ heri (le 15 de martio) informava:
“Rusland heeft in de VN-Veiligheidsraad
een veto uitgesproken over een Oekraïne-resolutie waarin het
referendum van morgen op de Krim niet-legitiem wordt verklaard.
De resolutie, die was ingebracht door de Verenigde Staten,
werd gesteund door 13 landen. China, dat voorheen inzake
Oekraïne en de Krim nog met Moskou had meegestemd, onthield
zich dit keer van stemming.”
Mi traduction in le interlingua:
‘In le Consilio de Securitate
del Organisation del Nationes Unite, Russia ha ponite
su veto a un resolution super Ukraina, in que le
referendum de deman in le Crimea es declarate illegitime.
Le resolution, proponite per le Statos Unite, esseva
appoiate per 13 paises. China, que antea re Ukraina e
le Crimea votava sempre conjunctemente con Russia,
iste vice abstineva se del votation.’
Le parola democratia significa governamento per le populo. In practic systemas democratic, le populo, le votatores, ha le derecto de eliger un representation que exerce poteres legislative e de controlo. Exemplos: un consilio municipal e un parlamento national.
In alcun systemas, anque le poter executive es eligite, e.g. un presidente o un burgomaestro.
Totevia, in le opinion le paises democratic como Germania e le Statos Unite de America, le populo non pote decider a qual pais pertiner. Si le majoritate del population del Crimea vole pertiner a Russia e non a Ukraina, le referendum in que iste majoritate pronunciara lor desiro, es declarate illegitime per iste paises.
Io lo trova curiose, mesmo bizarre. Ja 25 annos retro io lo trovava peculiar, e nunc ancora.
(Continuation le 17 de martio)
Democratia non solo implica que le majoritate decide, ma anque que le derectos de minoritates es respectate. Le notiones de ‘democratia’ e del ‘stato de derecto’ non es le mesme, ma illos deberea ir insimul.
Un democratia del majoritate, sin derectos garantite pro le minoritates de varie typos, menara al ochlocratia, le poter del massas, le tribunales popular.
Ergo on besonia un protection del minoritates. Ma qui in iste caso es le minoritate? Le population total del Crimea es un minoritate comparate con omne Ukraina. E anque in comparation con omne Russia. Sed comparate con le totalitate del population del Crimea il ha un majoritate de russos (58,3% in 2001), e minoritates ukrainian (24,3%) e del tataros del Crimea (12,0%).
Que debe facer se, si le majoritate vole introducer modificationes a que un o plure minoritates subleva valde objectiones? Forsan le minoritates ukrainian e tatar deberea haber possedite un derecto de veto in le referendum, o un duple voto?
No, in un stato de derecto democratic, cata uno debe haber derectos equal, derectos que non debe depender de ethnicitate o origine. Tribuer vetos o votos duple serea un acto de discrimination.
Dunque un referendum pro decider le stato o pais a qual debera pertiner un region, non es un apte solution.
In iste subcapitulo il es trahite le consequentia de mi idea (vetere o actual) que democratia implica le derecto del population de seliger le pais de qual le region in le qual illo vive, debe facer parte.
Ex le periodo sovietic e antea, Estonia e le paises baltic Lettonia e Lituania habe un grande minoritate russe: respectivemente 24,8%, 26,9% e 5,8%.
Referendum sur un renunciation del independentia e un re-affiliation al Russia? Io dice no, a causa del historia.
Le population del actual Moldavia se compone de 75,8% moldavos, 8,3% ukrainianos e 5,9% russos, inter alteres. Referendum sur independentia, adhesion a Romania, adhesion a Ukraina, adhesion a Russia? Si on vole si, in caso contrari non. Le derecto de autodetermination.
Odessa habe 29% russos ma 65% usque 85% del population habe le russe como lingua materne. Referendum? Io dice non. Proque? Io non sape.
In Donietsk (uk: Донецьк, ru: Донецк) e tote le region Donbas, e anque in Charkiv / Charkov (uk: Харків ru: Харьков) vive multe russos ethnic e ancora plus russophonos. Referendum? O plus autonomia intra le pais Ukraina?
Chechenia habeva un substantial minoritate russe, ma minus post 1989. Referendum sur independentia del Federation russe? Io dice si. Proque non?
(Continuation 19 de martio 2014)
Mi opinion: le occupation de Tibet per China es illegal.
Io trova que le kurdos habe le derecto de autodetermination como tote le altere populos del mundo, anque si vive in areas que es hodie parte del paises Turchia, Syria, Iran e Irak.
Little Italy in New York? Referendum sur affiliation a Italia? Referendumes in China Town in New York o San Francisco, sur adhesion a China?
Kanaleneiland in Utrecht, citate nederlandese, ubi vive multe personas de origine marocchin. Parte de Marocco si le majoritate del population del quartiero lo vole?
Lombok in le mesme citate, adhesion a Turchia? Kreuzberg in Berlin? Anque multe habitantes turc.
Retornante al Crimea. Il es sempre importante mirar al situation actual in le luce del passato. Io da alcun ligamines al le Wikipedia in anglese, sin multe commentarios. Infelicemente, le Wikipedia in interlingua contine tro pauc information pro esser utile.
Ecce le ligamines, que pote explicar alcun de sensibilitate, relationes e reactiones actual.
Le Khanato del Crimea, 1441–1783.
Traffico de sclavos, ca. 1500–1700.
Le guerra russe-turc de 1735–1739.
Le guerra russe-turc de 1768–1774.
Le guerra del Crimea, 1853–1856, inter Russia e un alliantia de Francia, Britannia e le Imperio Ottoman.
Deportation del population tatar, per ordine de Stalin e Beria, 1944, note como le Sürgün. Post 1989, un parte del tataros reveniva, que explica le actual minoritate de 12% del population del Crimea de origine tatar.
In 1954, le leader sovietic Khrushchov dava le Crimea, usque tunc area russe, a Ukraina.
Le lingua del tataros del Crimea habeva un status protegite in le Crimea ukrainian.
(Le sequente ja esseva scribite le 17 de martio 2014)
Secundo un message in le pressa nederlandese (gazetta NRC), le participation electoral esseva 85 per cento del qual 96,6 votava pro le adhesion del Crimea a Russia. Quanto pro independentia total? Quanto pro mantenimento del status-quo, i.e. le Crimea como provincia autonome de Ukraina? O esseva isto non un option?
Io non comprehende iste resultatos.
Le quota del russos ethnic in le population del Crimea es 58 per cento. Presumente que tote le russos vadeva votar e prefereva facer le Crimea parte de Russia, il debe anque haber essite 85 minus 58 face 27 per cento de votatores non-russe.
Le votatores russe explana 58 / 85 = 68,2% del total de votos pro. Le altere votos pro, 96,6 − 68,2% = 28,4%, debe haber venite del 27 / 85 = 31,8% del votatores. Dunque 28,4 / 31,8 = 89,9% del votatores non-russe ha anque votate pro le affiliation al Russia.
An illo es probabile e credibile? No. An il habeva fraude electoral? Forsan. Un question rhetoric?
No, illo non es probabile e credibile, e probabilemente non ver. Vide Forbes (via Opinieleiders.nl):
“According to this purported report about the March referendum to annex Crimea, the turnout of Crimean voters was only 30 percent. And of these, only half voted for the referendum–meaning only 15 percent of Crimean citizens voted for annexation.”
Faschismus als eschatologische Religion in Russland (‘Le fascismo como religion eschatologic in Russia’), per Dr. phil. Alexei Schewtschenko, traducite in le germano per Tobias Ernst.
Derecto de autor © 2014, R. Harmsen, tote derectos de copia reservate, all rights reserved.