Temperatura relative

Le 14 de januario, correctiones le 15 de januario 2014

Tempore e climate

In le gruppo de discussiones Interlng, Stanley Mulaik explicava que le recente periodo de frigor in le Statos Unite de America non disproba le calefaction global, proque illo esseva causate per un calefaction in Russia, via le Polo Nord.

Hic in Nederland iste anno le temperaturas circumjace le dece grados Celsius, ben que le media de multe annos por iste periodo es circa cinque grados.

Le previe hiberno totevia (2012/2013) del initio de decembre usque le fin de martio, secundo mi memoria le temperaturas semper esseva inter minus un e un grado. Le veritate es un poc plus complicate.

Lo que io voleva demonstrar es que le tempore in un saison multo varia de anno a anno.

Sanguine calide

Le differentia inter cinque e dece grados es parve, specialmente si illo es exprimite como temperaturas absolute: de 278 a 283 grados es solmente 1,8 per cento.

Sed pro homines e altere mammales non le temperatura absolute es importante, mais le temperatura relative al interior del corpore. Nam es iste differentia que determina le perdita de calor.

37 − 10 = 27, 37 − 5 = 32, un accrescimento del frigido de 18,5%, non de 1,8%!

Anque aves (includite le pinguines imperial in Antarctica) es animales de sanguine calde, con un temperatura de norma un poc plus alte. (38 − 5) / (38 − 10) = 17,9%.


Derecto de autor © 2014, R. Harmsen, tote derectos de copia reservate, all rights reserved.

Colores: Enoiose Extravagante Necun preferentia Recarga le pagina