Un tal surriso cata die

Le 8 de april 2015, per me traducite ab mi traduction portugese

Youtube

Youtube es un mina de auro pro qui gusta musica. In tempores remote il esseva necesse audir alicun numeros de musica in un magazin de discos, esperante casualmente incontrar un obra maestro. Hodie on pote facer lo in casa al computator sin limites. On simplemente comencia a ascoltar e depost seque un del suggestiones que face Youtube.

Io discoperiva Youtube como utensile musical le 17 de martio 2007. Desde alora io interprendeva multe viages de discoperta e rediscoperta. Multe de ille viages virtual menava me a Brasil.

Roberta Sá

Le 5 de decembre 2009 io incontrava duo cantiones cantate per Roberta Sá: Mais Alguém (‘Qualcuno altere’) e Cicatrizes.

Le 8 de januario 2012 per hasardo io incontrava un altere pecia de musica cantate per illa, con un de mi heroes musical, Chico Buarque de Holanda: Mambembe. Le cantion esseva scribite per Moreno Veloso e Quito Ribeiro.

Le video face parte de un DVD intitulate “Pra se Ter Alegria” (‘Pro gauder’). Il ha in Youtube iste video que contine iste canto e duo plus:

(Io non sape si on legalmente poneva ille videos sur Youtube, ma si un die illos serea removite pro motivos de directos de autor, io spera que on ancora vende le DVD original in alicun loco.)

Illo es un Youtube mix del musica de Roberta Sá.

Surrisos

Bon, illo esseva super le musica. Le thema super le qual io realmente voleva scriber es ille: la vita es breve e a vices pote ser dur. Cosas apparentemente parve pote animar e allegrar nos e facer nostre vita belle. Isto es un exemplo: le surrisos de Roberta Sá in le video Mambembe.

Mesmo si illa haberea un facie fede, lo que clarmente non habe, un tal surriso poterea facer de un die cineree un festa. Ergo vamos non oblidar de surrider al altere personas tanto como possibile.

Colores: Enoiose Extravagante Necun preferentia Recarga le pagina

Vostre annuncio ci?

Your ad here?


E-mail:
usator: commercial,
dominio: rudhar puncto com

Linguas de correspondentia:
nl, ia, en, de, pt